Crestanello

GENEALOGIA DA FAMÍLIA CRESTANELLO

 

            Arcangelo Crestanello, nascido a 12/5/1848 em Lonigo, província de Vicenza – Itália, filho de Domenico Crestanello e Rosa Barocco, casou a 26/11/1874,(casamento religioso) em Orgiano, província de Vicenza, (o casamento civil se deu a 6/10/1885, no mesmo local) com Elisabetta Maran, nascida a 2/2/1851 em Arcugnano, província de Vicenza, filha de Alessio Maran e Felicitá Dal Podolo. Chegaram no Porto de Santos a 21/11/1885, com o barco a vapor Poitou. Estabeleceram-se no lote 140, do Núcleo Soturno, hoje Nova Palma. Arcangelo faleceu a 3/7/1933 e Elisabetta Maran faleceu a 16/9/1931, ambos em Nova Palma. Constam 8 filhos.

1.     Maria Teresa Crestanello, nasc. 29/3/1876, em Lonigo, província de Vicenza – Itália, casou a 8/5/1895 em Nova Palma, com Luigi Fréo.

2.     Domenico Crestanello, nasc. 19/3/1880, em  Lonigo, província de Vicenza – Itália, faleceu a 26/3/1880, na Itália.

3.     Ana Maria Esperanza Crestanello, nasc. 29/1/1886, em Vale Veneto, casou a 22/1/1906 em Nova Palma, com Giovanni Busanello,

4.     Conceta Maria Crestanello, nasc. 14/12/1887, em Nova Palma, casou a 7/2/1910, em Nova Palma, com Italo Vitalino Rapachi,

5.     Pedro Tiago João Crestanello, nasc. 12/7/1889, em Nova Palma, casou a 8/7/1910, em Nova Palma, com Giustina Bataglin,

6.     Rosa Crestanello, nasc. 28/10/1891, em Nova Palma, casou a 12/4/1910, em Nova Palma, com João Felice Manfrin,

7.     Assunta Crestanello, nasc. 22/7/1893, em Nova Palma, casou a 11/4/1923, em Nova Palma, com Giovanni Busanello (viúvo da irmã Ana Maria Esperanza)

8.     Esperanza Maria Crestanello, nasc. 4/3/1895, em Nova Palma, tornou-se freira a 26/6/1918, em Porto Alegre, com o nome de Irmã Mariana do Menino Jesus, faleceu a 5/10/1920, em Novo Treviso, depois de 5 anos doente.



GAETANO PEDRO CRESTANELLO-STÒRIA I VITA

 

In questa vita ghenavemo tante persone che dòpo che scampa via ntel paradiso, ghe lassa quà una nostalgia massa granda, no ze vèro?

Parquesto volemo in questa oportunità, con permesso dea faméia, parlar dea vita i afari del sior Gaetano Pedro Crestanello, un òmo che ghà fato stòria i lassado una eridità di come vìver una vita piena di òpere ntea faméia i comunità!

Il sconmissio di tuto se ghà dato quando, par scampar dea guera, Archangelo Crestanello, nato ntel giorno 12/05/1848, ntea cità di Lonigo, Vicenza, Itàlia, maridà com Elizabetha Maran, nata ntel giorno 02/02/1851, ntea cità de Arcugnano, Vicenza, Itàlia, ghà inbarcà insieme con soa faméia ntel bastimento “Poitu” ntel giorno 22/10/1885 i vignesti par el Brasile.

Archangelo con 37 ani i Elizabetha 34. I ghà rivà ntea cità di santos-SP i dopo vignesti zo ntel RS i si stabilio ntela quarta cològna dei imigrànti italiani ntel Brasile, incói región centrale del stato, che in quei ani si ciamea “Soturno”. Lora ntel giòrno 12|07|1889 ze nassesto in Soturno (incói nova palma), Pedro Crestanello, uno dei fiói de Archangelo i Elizabetha, che pì avanti se ghá maridà em Nova Palma com Justina Bataglin, nata ntel giòrno 08|07|1891 ntea citá di Movena, Vicenza, itàlia. Di questo nosse, ze nassesti 12 fiói: Maria, Angela, Cristina, Eliza, Antonio, José, Gema Rosa, Tereza, Germano, inês, David i Gaetano, il pì gioveno. Gaetano Pedro Crestanello ze nassesto ntel giòrno 14/07/1935, ntel contea de Julio de Castilhos-RS, (contea mare di Nova Palma), però Gaetàn (come o ciàmea), se ghá sempre considerà nato in Nova Palma.

Lora ntel ano 1938, Pedro Crestanello, pupà de Gaitàn, ghà ndato con tuta la famèia (manco Maria, la fiola pì vècia che zera beche maridà), ntela lìnea Bona Esperànssa, ntel contea di Frederico Westphalen-RS, che ani indrio si ciamea Baril, Gaitàn lora con trè ani. Dopo quando Gaitàn ghenavea 12 ani, i ghà ndati ntela comunità di Vista Alegre (che dopo ntel ano 1988 se ghá torna anca contea). Ntel ano 1953, adesso Gaitán con 18 ani, ghe và ntel esèrcito dea cità São Borja, i se ghà adeventà sergente i par 3 ani ghà restà ntel esèrcito, dopo noantri 3 ani laorando ntea fabricheta di divani che gàvea.

Per esser il fiol pì gioveno, ghe ocorea giutar suo pupà che zera malà, parquela ghà tornà casa. Lora Gaitàn ghà verto una logia che ze fin incói in Vista Alegre. Gaitàn se ghà maridà com Therezinha Rita Bernardi ntel giorno 12/06/1963, mèrcole. Ani dopo questo giorno se ghà adeventà ntel giorno dei morosi. Rita, come zera ciamada Therezinha, ze nassesta ntel giorno 07|03|1944 i ze morta ntel 26|10|1986, lassando Gaitàn vèdovo i con trè fioi. Gaitàn i Rita ga bio 4 fioi: Pedro 1964 (che ghà morto due ani dopo), Moisés (1965), Tobias (1969) i Daniel (1980).

La faméia di Rita Bernardi, ze originari dei vali del pasubio, di Vicenza, Itália, i ghinà due integrànti ntel ritrato stòrico dei fondadori dea cità di Vista Alegre, che ze: Domingos Bernardi (nono di Rita), vignesto dea Itália, i Victòrio Bernardi, pupà di Rita.

Dopo di Rita morta, gaitàn si ghà maridà seconda olta due ani dopo ntel giòrno 09/01/1988, com la siora Florita Piffer, nata ntel giorno 08/03/1944, ntel contea di Gramado Xavier-RS, che in quei tempi pertenssea a Lajeado.

Gaitàn i Florita no gaveva fioi insieme , ma gnanca par quela Florita ghà lassà de veder i tegner i trè fioi di Gaitàn come si fusse vèri fioi sue, insegnando con tuto il carino del mondo, come ghà ito Daniel Crestanello (il fiol pì gioveno) con sue pròpie paròle.

In genaro di 2013, Gaitàn i Florita, insieme con tuta la fameia Crestanello i Bernardi, anca i amicci, ghà comemorà le bode di argento. Sora i trè fioi (Moisès, Tobias i Daniel), gaitàn i Florita no se ghà mai lassà di darghe il esémpio i ensegnar i sentieri driti par terghe una vita degna, senssa smentegarse di corer drio ai sù sogni.

I par gieito i trè ghà imparà polito questo: Moisés, incói com 48 ani, ze avoccato ntea cità di Belèm do Pará. Moisés ze maridà i pare di due fioi, Ruth (18 ani) i Vinicius (14 ani). Tobias, il fiol del mèdo, anca lù ze avoccato, pare di Daniela, una tosa di 10 ani. Tobias Ghinà 45 ani i ze de star in Porto Alegre. Daniel, il pì gioveno, ze economista, maridà i pare di Julia, una bambina di un ano. Daniel ghà 33 ani i ze d’star in Santa Maria-RS.

 

Gaitàn i soa vita in comunità

 

Sempre con massa vóia di laorar i anca di giutar i altri, Gaitàn se ghà destacà bonora in tuto che fea. Ze stato lù il primo presidènte dea càmera dei vereadori di Vista Alegre, con due ani di mandati (1989/90). Ntel suo comàndo ze stato elaborà la lége orgànica del contea.
Fin il giorno 19|12|2013, di tuti i membri dea comissión del contea, solche Gaitàn vivea ancora. Gaitàn ghenavea una partissipassión granda ntea comunità, ntea ciesa ghà restà presidente diverse olte, parquela se ghà destacà anca ntea creassión dea paròchia sagrà cuor di Jesù di Vista Alegre, che ghenavea come primo pàroco, il prète Luiz Dalla costa, zera il ano 1989. Ze stato ntea gestión di Gaitàn ntea ciesa che si ghà creà la grota Nostra siora dea Salete ntea lìnea Centenaro, Vista Alegre RS.

In Nova Palma-RS, ghinà fin incói un capitèl con il sànto San gaitàn, fato par il pupà di gaitàn, perché i ghenavea fato una promèssia par che vignesse con salute il ùltimo dei 12 fiói che zera Gaitàn, perché so mare zera beche di età avanssà. I lora in omenàio al sànto, i ghà ciamà il bambino di gaitàn. Gaitàn ghenavea un nipote che zera prète i si ciamea Vendelino Crestanello, morto em 20|07|2009. Vendelino zera fiól di Josè (Bèpi), fradèl di Gaitàn. Gaitàn i soa prima fémena Therezinha( Rita), zeram sàntoli dea ordenànssa sasserdotale del prète Vendelino, parquela lori vólea ben compàgno un fiol.

Dopo di mòrta Rita( 1986), ze stato il prète Vendelino che ghà presentà Florita a Gaitàn, perchè Florita laorea insieme con questo prète ntea paròchia di Nonoai-RS, lora, dòpo di due ani morosando, Gaitàn i Florita se ghà maridài.

 

 

Gaitàn i il sògno dea Rádio SOL D’AMÉRICA FM 91.1



A pì di vintitrè ani in drio, quàndo Gaitàn, ntel posto del sìndaco di Vista Alegre, ghà partissipà dea inaugurassión de una stassión di ràdio di una cità vissina, in quela medèsima ora ghà nassesto in suo cuor, il deseo de laorar par vèrder una stassión anca in Vista Alegre. Lora, senssa gnte in man, però con il cuor pien, gaitàn ghà sfondà una sossietà insieme con tante persone del contea che ghenavea il medèsimo sògno; però, di tuti quei che ghà sconmissià questo progièto, Gaitàn ze stato il ùnico che ghà restà fin il finale. Ze anca vèro che una òpera grànda cossita ghe ocor de pì persone per giutar, lora con il passàio dei ani, mientre alguni ndea via, vignea altri par giutar, i volemo quà, par far giustìssia, menssonar i nomi dei sòssie atuài che tànto ghinà fato par slevar sù questa stassión, che ze: Luis Carlos Panosso( lisca) che ze anca il sìndaco del contea di Palmitinho-RS, Isabel panosso, Cezar Riboli, Daniela Riboli i Valcir cavalli ( il Maciùcio).

Lora, dopo di tanti fadighe, ntel giorno 16|03|2012, gaitàn insieme con el Lisca, ghà ndato fin Brasìlia, i quàndo voltea, ghinavea in man i papèi dea conssessión dea ràdio assinà per el ministro dea comunicassión del paese. Adesso sì i podea far il prèdio dea ràdio, che in omenàio a el club dea citá, passea a si ciamar SOL D’AMÈRICA.
I cossita, ntel giorno 13|06|2013, ghà sconmissià i atività dea ràdio SOL D’AMÈRICA FM 91.1 ntea cità di Vista Alegre-RS i così ghe ndea in ària i primi suoni.

Tutavia, la inaugurassión ofissial, ze stata marcà par il giorno 19|12|2013. Par questo giòrno, ze stata invitada tuta la región. Gaitàn insieme con i altri sòssii, ghà parecià una grànda fésta ntel ària lìbere, con musiche i magnar, i con la sol d’amèrica fàndo la transmissión di tuta la solenità.

Dopo di tuto parecià, lora ghà sussedesto quel che nissuni voléa i gnanca spetéa! In mèdo di tuta quela gente che si godea, Gaitàn si parecìea par far il suo discorso, parchè zera lù il diretor dea ràdio. Lora trè minuti vanti di ndar sù ntel palco, Gaitàn, senssa un segnal che zera malà, si ghà butà ntei pìe dea placa dea ràdio i senssa un guai, ghà mòrto!
Lora, il pòpolo che fin quela ora ridea i cantea, adesso sconmìssia piànder, perchè no zera solche un òmo che morea , ma anca zera la pèrdita di una persona che ghà dedicà tuta una vita par la comunità con tanti laori i boni esémpie !

Compàgno i dotori ghà parla dopo, Gaitàn ze mòrto perché il suo cuor no ghà guentà tànta alegressa in veder il suo pì gràndo sògno realisà!

Ghe ocor anca vanti di finir questo, dirghe che un grànde sògno di Gaitàn, zera far un programma in tàlian. Lora ntel giòrno primo di diciembre di 2013, ghenavemo sconmissià il RICORDI D’ITÀLIA, che ghe và in ària tute le domeneghe de le 7 fin le 9 dea matina, che ze fato par mi, Dirceu Magri, insieme con il Dino Centenaro, Valdecir Zanatta i anca il Nim Centenaro. Gaitàn ghà partissipà di due programi, adesso, noantri ghenavemo la missión de menar a vanti questo bel laoro che lù ghà sconmissià, perchè semo sicuri che quando cataremo Gaitàn ntel paradiso, lù, come sempre fea quà, va dirlo: grassie! Gràssie par giutarme far tuto che mi volea far par tuta la comunità!

Ringràssio quà a tuta la fameia di Gaitàn, in spessial ai fioi Daniel i Tobias per le pressiose informassión che me ghà permetesto farghe questo laoro! Ringràssio anca a questo brau tàlian Helio Oro che me ghà dato questa oportunità di parlar sora la vita di Gaitàn che tànto ghà fato in vita i adesso ghe lassa quà tànta nostalgia!

 

Dirceu Luís Magri – Vista Alegre- RS

 

Comments